Montrer le roman
ᒣᕇ ᓈᔥᑖᐺᐦ ᒌ ᐐ ᐐᒉᐌᐤ ᐅᐦᑯᒥᔅᐦ᙮
merii naashtaapweh chii wii wiicheweu uhkumish.
ᒌ ᐐ ᐐᒉᐌᐤ ᐁ ᐴᓰᑦᐦ᙮
chii wii wiicheweu e puusiit-h.
ᐅᐦᑯᒥᔅᐦ ᒌ ᐐᒉᐌᐤ᙮
uhkumish chii wiicheweu.
ᐅᑑᔅᐦ ᒌ ᐐᒉᐌᐤ᙮
utuush chii wiicheweu.
ᐅᔒᒥᔥᐦ ᐱᓖᐦ ᒌ ᐐᒉᐌᐤ᙮
ushiimishh piliih chii wiicheweu.
ᑳ ᐴᓯᑣᐤ ᒉᒋᔐᐹᔮᔨᒡ᙮
kaa puusitwaau chechishepaayaayich.
ᒣᔮᓂᒉᑦ ᐊᓂᑌᐦ ᓈᔥᒡ ᐁ ᑲᑳᓍᔅᑴᔮᔨᒡ᙮
meyaanichet aniteh naashch e kakaanwaaskweyaayich.
ᒦᓐ ᒉᒋᔐᐹᔮᔨᒡ ᓀᑑᐦᐆᐎᒡ ᐅᐦᑯᒥᔅᐦ᙮
miin chechishepaayaayich netuuhuuwich uhkumish.
ᐊᓂᔫᐦ ᐅᑑᔅᐦ ᓀᔮᒎᑌᔨᒡ᙮
aniyuuh utuush neyaachuuteyich.
ᒣᕇ ᑫᓂᐌᔨᒫᑦ ᐅᔒᒥᔥᐦ ᐱᓖᐦ᙮
merii keniweyimaat ushiimishh piliih.
ᓈᔥᒡ ᐁ ᑯᔥᑖᒋᑦ ᑳ ᓂᑲᑖᑲᓄᐎᑦ, ᐁᑴᑌᔨᐦᑕᒃ᙮
naashch e kushtaachit kaa nikataakanuwit, ekweteyihtak.
ᐄᔑ ᑖᓂᑌᐦ ᐐᐸᒡ ᒋᐸᐦ ᒌ ᐅᐦᒋ ᑕᑯᔑᓐ ᓂᑑᔅ᙮
iishi taaniteh wiipach chipah chii uhchi takushin nituus.
ᑴᔥᑯᐱᔨᑦ ᐱᓖ ᐁ ᒌ ᒣᒣᐱᓱᑦ᙮
kweshkupiyit pilii e chii memepisut.
ᐌᑖᒥᐦᑴᐦᐙᑦ ᒣᕇ ᐊᓂᔫᐦ ᐱᓖᐦ᙮
wetaamihkwehwaat merii aniyuuh piliih.
ᒣᔮᑐᑦ ᑮᐹ ᐱᓖ᙮
meyaatut kiipaa pilii.
ᒣᕇ ᓀᑐᐙᐸᒫᑦ ᐅᑑᔅ ᑳ ᓈᒎᑌᔨᒡ᙮
merii netuwaapamaat utuus kaa naachuuteyich.
ᒣᒀᒡ ᐐᐎᑕᐦᑳᓲᔫᐦ ᐌᑕᐦᑖᑦ᙮
mekwaach wiiwitahkaasuuyuuh wetahtaat.
ᒑᐌᐦᑕᑖᔨᑦ ᐅᑑᔅᐦ ᐅᒥᐦᑕᒥᔫᐦ᙮
chaawehtataayit utuush umihtamiyuuh.
ᐁᑯᐦ ᒣᔦᔨᐦᑕᐦᒃ ᒣᕇ᙮
ekuh meyeyihtahk merii.
ᐁᑳ ᒉ ᐯᔭᑯᔑᑦ᙮
ekaa che peyakushit.
